အလင်းအိပ်မက် ပျောက်ဆုံးချိန် (၂)

ထွက်သွားပါ
မင်းရဲနောက်
အပြေး မလိုက်မိအောင်
ငါ့ခြေထောက်တွေ ဖြတ်ထားတယ်။

မေ့ပါ
မင်းအနာဂတ်တွေ
လင်းလက်မယ်ဆို
ငါက “ည” အဖြစ်ခံလိုက်မယ်

ရက်စက်ပါ
မင်း Operation လုပ်ဖို့
ငါ့ နျလုံးသားကို ဆွဲထုတ်
“အလွမ်းဆေးရည်” တွေ စိမ်ထားတယ်။

မုန်းပါ
ကြွေကျတဲ့ သစ်ရွက်တွေတောင်
ငါ့မျက်နှာကို ဖြတ်ရိုက်တယ်။
ငါးရက်လုံးလုံး
အစာအငတ်ခံ ထားခဲ့ပြီးမှ
ကျွေးခဲ့တဲ့ ညနေစာက
တစ်သက်စာလား

ငါ့မျက်နှာသစ်ရေ ကတောင်
သူ့ကိုယ်သူ သန့်စင်အောင်လို့တဲ့
မြေပြင်မှာ လူးလွန့်ကြတယ်

ဘာကိုမှ မတောင်းဆိုလိုပါဘူးကွာ
ငါ့ဘ၀ကိုသာ
ငါ့လက်ထဲ ပြန်ထည့်ပေးပါ။

ကြယ်စင်လေး

အလင်းအိပ်မက်ပျောက်ဆုံးချိန် (၁) (သို့မဟုတ်) စင်္ကြန် (၁) မှ ငိုရှိုက်သံ

ကောင်းကင်ထိ ထိုးဖောက်နေတဲ့
အဲဒီ ဂုံး(ခုံး)တံတားထိပ်က
ငါတို့ခြေရာတွေ
လေးကိုင်းသဏ္ဍာန် ၀င့်ကြွားနေတဲ့
မိုးခို ပလက်ဖောင်း အမိုးအောက်က
ငါတို့ စကားသံတွေ
ဂုံးတံတားအောက် အမှောင်ရိပ်ထဲ
ဘယ်ညာချိုးကွေ့ လှေခါးထက်က
ငါတို့ ရယ်မောသံတွေ
ရန်ကုန်ရေ ...
ဘူတာကြီး ဂုံး(ခုံး)တံတားရေ ...
ဟောဒီရင်မှာ လေပြည်တစ်ချက် ဝေ့သလိုပါပဲ။

ဖမ်းဆုပ်လုိ့မရတဲ့ အရာတွေထဲမှာ
မင်းအပြုံးနဲ့ ငါ့မျက်ရည်တွေပါတယ်
ဝိဥာဉ်လွတ်စိတ်ကြောင့်
ရခဲတဲ့ ဒဏ်ရာကို ခဏမေ့
အားတင်းပြီး မင်းကိုရှာ
မှုန်ဝါးဝါးပုံရိပ်
ပြာလဲလဲ့ည
အဲဒီညကိုက ခါးနေတာ။

ပျောက်ဆုံးတောမယ့် ငါ့မနက်ဖြန်ကို
မင်းပဲ ခိုးယူသွားတာလား
ငါကပဲ ခိုးပေးမိတာလား
ဆယ်ပြာသယ်(သည်) လင်ပျောက်သလို
ရှာလိုက်ရတဲ့ မင်း ဦးထုပ်တစ်လုံးဟာလည်း
ထိတွေ့ခွင့်လေးတောင် မရခဲ့ဘူး
ငါ့ကို သနားတဲ့ ဂိတ်စောင့်တွေက
လက်ထိပ်မခတ်ဘဲ လွှတ်ခဲ့တာတောင်
ငါက “မင်းရဲ့ အကျဉ်းသား” လေ။

နပိုလီယံထက် ၅ မိနစ်တန်ဖိုးကိုနားလည်
ငါတို့ ဝေးသွားတော့မယ့် အချိန်လေးအတွင်း
သံကို သံက တွန်းပို့သံကြားချိန်
ဖြတ်ခနဲပျောက်သွားတဲ့ ငါ့အလင်းရောင်
တုန်နေတဲ့ ဒူးတွေထိန်းထား
မှုန်နေတဲ့ မျက်လုံတွေဝါးသွား
ခုန်နေတဲ့ ရထားတွေ ဝေးသွား

ဘူတာရုံလေး တိတ်ဆိတ်ချိန်ထိ
မင်းက ငါနဲ့ ဝေး... ဝေး... ဝေး...ဝေး သွားခဲတာ
အဲဒီမှာ ငါကိုယ်တိုင် မီးသဂြိုလ်ပြီး
ငါကိုယ်တိုင် လောင်ကျွမ်းခဲ့တာ
အဲဒီ စင်္ကြန် (၁) မှာပေါ့။ ။

ကြယ်စင်လေး
၂၀၀၆ ခုနှစ်က မန္တလေးကို အလုပ်တာဝန်နဲ့ ထွက်သွားရတဲ့ သူငယ်ချင်းအ၀င်းအတွက် သူငယ်ချင်းတွေကိုယ်စား ရေးခဲ့တဲ့ ကဗျာလေးပါ။ (၂၇-၆-၂၀၀၆)

အဝေးရောက်လှိုင်း

ခံစားမှုတွေ
သက်သာအောင်
အလွမ်းထင်စတွေနဲ့ မီးမွှေး
တစ်ကိုယ်တော် မီးလှုံခဲ့ပါရဲ့

တမ်းတခြင်းလည်း
ပြာအတိ မဖြစ်ခဲ့။

ဒဏ်ရာတွေလည်း
မလောင်ကျွမ်းခဲ့။

တောင်တသံတွေ ... ညံလို့။
လေညှင်းတွေ ... တိုးဝှေ့လို့။
ညနေခင်းတွေ ... ငိုလို့။

မှတ်ချက်။ ။ ဟိုး..အဝေးက အပြုံးကို
ဖန်ဆင်းသော်
တိမ်စိုင်တို့ဖြစ်၍
တစိမ့်စိမ့်
........ မိုးတွေ .... ရွာလို့။

ငယ်ဇင်လင်းဦး

အာစီ-တူးမှာ ကျောင်းတက်တုန်းက သူငယ်ချင်း ဇော်ထွေးရဲ့ အမှတ်တရ လက်ဆောင်ကဗျာလေးကို ပြန်တင်ထားပါတယ်။

အဖြူရောင်မယ်လိုဒီ

နံနက်ခင်းတစ်ခု ထွန်းကားလာသလိုမျိုး
ရိုးရိုးလေးအစပြုတဲ့ လင်းလက်မှုမှာ
တစ်ယောက်နှလုံးသားကို တစ်ယောက်မြင်ခွင့်ရနိုင်ပါရဲ့
ရင်တံခါးကို စေ့ထားခဲ့တယ်။

ဒင်္ဂါးဝိုင်းဆန်တဲ့ နီးစပ်မှုမှာ ပါးလွှာပေမယ့် မဖြိုလဲနိုင်ခဲ့တဲ့ နံရံကို
ငါတို့မျက်လုံးတွေထဲ ငါတို့ပဲ ထည့်မိကြ
ဒီလိုနဲ့
သံယောဇဉ်စစ်စစ်ကို အထပ်ထပ် လွန်းတင်ကျစ်ခဲ့ကြတယ်။

လက်ဝါးချင်းရိုက်သံကို ကျေနပ်တတ်ရုံ
ရယ်စရာတွေနဲ့ မောစရာကို ဖုံးကွယ်တတ်ရုံ
ကော်ဖီနွေးနွေးရှိတဲ့ ဆောင်းရာသီကို နှစ်ဦးသဘောတူ နှစ်သက်တတ်ရုံထက်
ငါတို့နှလုံးငားချင်း တံတားမထိုးနိုင်ခဲ့ဘူးဆိုပေမယ့်
ခရီးမပေါက်နိုင်တဲ့ စိတ်ကူးနဲ့
ရောက်တဲ့အရပ်မှာ စိုက်ခင်းက ထွန်းကားလို့ပေါ့ ..

လိုအပ်ရင်တော့ အဆိပ်ခွက်ကိုတောင် သောက်ဝံ့ကြပေမယ့်
မမြင်ရတဲ့ လိုအပ်မှုကို ငတ်မွတ်စွာ ငြင်းပယ်ရင်း
ကိုယ်ပိုင်စီရင်မှုကို ပြဋ္ဌာန်းထားကြတယ်လေ။

ဒီလိုနဲ့
တစ်ယောက်ရဲ့ မွေးနေ့ကို တစ်ယောက်က မှတ်မိခဲ့တယ်
တစ်ယောက်ရဲ့ အရသာကို တစ်ယောက်က နားလည်ခဲ့တယ်
တစ်ယောက်ရဲ့ အိပ်မက်ကို တစ်ယောက်က နိမိတ်သိခဲ့တယ်
ဒီလောက်နဲ့ပဲ
ငါတို့သံစဉ်က ချိုမြိန်လို့ပေါ့။

ခရီးတစ်ခုအဆုံးထိ
ငါတို့တွေ နီးစပ်ခိုင်မာခဲ့တဲ့ “မယ်လိုဒီ” ကို
ကမ္ဘာသစ်ရဲ့ ကျောက်စာဖြူမှာ ရေးထိုးလိုက်ကြစို့
ငါတို့နှစ်ယောက် သူငယ်ချင်းတွေ မဟုတ်လား ကောင်မလေးရယ် ..

အယ်လ်စေတန်
(နံရံပါးပါးခြားပြီး နီးစပ်နေကြသူများသို့)

ကံဆိုးသူ

ဖရိုဖရဲပါပဲ
အချစ်အတွက် လှမ်းလိုက်သော
ခြေလှမ်းတိုင်း ချိ, နဲ့
တံခါးဝကို တွန်းဖွင့်မယ်ကြံတုန်းမှာပဲ
မင်းတုပ်က သူ့အလိုလို
ပြုတ်ကျလာတယ်။

ကြယ်စင်လေး
(ကြိုက်မိတဲ့ အကြည်တော်ရဲ့ စာသားလေးပါ။ ကံဆိုးသူလုိ့ ခေါင်းစဉ်ပေးပြီး တင်ထားမိတယ်။)

အနေအထိုင်မတတ်တဲ့ ကြယ်

သည်မှာ သခင် ..
သခင်လျှောက်နင်း
နှင်းပန်းခင်းတွေ
မျက်စိတဆုံး
ကြည့်ပါဦး
သခင့်ခေါင်းလည်း ပန်းတွေဝေ။

ဝေသည်ငြားလည်း
ရင်တွင်းပန်းတို့
ပန်စေဦးတော့
သီကုံးမိသော်
နှင်းဆီဆိပ်တို့ သင့်လေပြီ။

ကြယ်စင်လေး